|
|
Mari Jainkosa, izarrezko mendi baten oinean
kokaturiko haitzulo batean
zegoen hatsedena hartzen abereengandik
gauzak nola zihoazen entzuten
zuen bitartean. Izokina, bere bidaiaririk
gogokoena, itsasoko kondairak
edesten ari zitzaiola, beti elkarrekin
zebiltzan bi beletzarrak hegan haitzulora
sartu ziren ulumuluka.
Bere jargoiko besoak osatzen zituzten sugeak
mugitu ziren eta ondorioz bere
besaulkia eta honen atzekaldea mugitu ziren
murmur eginez.
- Lasai! –agindu zuen Marik –Utz diezaiegun
hitz egiten.
Honela, beletzar zaharrena hasi zen:
- Basoen gainetik hegan ari ginela negarrak
entzun genituen eta lurrean
erditu berria zuen emakume bat zegoen. Hilda
zegoen baina zilborhestea
hortzekin ebatzeko gauza izan zen eta
haurraren inguruan bilduz bere titira
hurbildu zuen. Une batez iraun zuen bizirik
eta zuen esnea haurrari eman
ondoren hil egin zen.
- Lamiei, zomorroei eta beletzarrei deitu
genien –esan zuen beste
beletzarrak –Baita ere, haurrari eztia eta esnea
ekarri zizkioten xortaz xorta
emanez.
- Oraindik bizirik dago baina benetako
zaintza behar du –esan zuten.
Amak bere iluntasun izarratua astindu zuen
zer egin zatekeen galdetuz.
Berehala, aintzinako izokinak esan zuen:
- Basoan badago itsasoratzen den ibai bat
eta gainera, ahuntztaldea urtero
elkartzen den zelaiaren ondotik joaten da.
Bertan, adarren burruka hotsen
artetik irabazle suertatzen den akerra eta
ahuntz erregina elkartzen dira,
akertuz. Hala ere, haurra otso erregeak
eraman zuen eta ahuntz erregina
oraindik haurrik gabe baina esnedun dago.
Marik pentsatzen jardun ondoren isilean
barre egin zuen esanez:
- Lamiek adar mihituak zeharka meharka bildu
ditzatela haurra bertan
etzateko eta eramateko adinakoa den otar
zapal bat osatuz.
Eta beletzarrei esan zien:
- Bele txikiak, beletzarrak eta belatxingak
elkartu itzazue. Gero, otarra
hertzetatik mokoekin heldu dezatela eta
hegan Akelarreko basoira eraman
dezatela. Erreginari esaiozue, nire aginduz
haurrari titia eman diezaiola bere
hurrengo haurra jaio bitartean eta orduan
txoriek urte betez haurrari fruituak
zein baiak jaten emateko ardura har
dezatela. Ondoren, beste urtebetez,
arrain lagunek emandakoa jango du.
Jarraian, Marik areago begiratu zuen,
berekiko irrifar egin zuen eta
ondorengo agindua eman zuen:
- Haurra Akelarrearen hertzeko basoan
Basajaun ikazkinarentzat lan egiten
duten senar emazteengana eraman ezazue,
zeinak basotxoan egurra
ebakitzen aurkituko dituzue. Hauek gizon
gisara haziko dute eta honela
Ikazkin bihurtuko da.
Eta halaxe gertatu zen. Haurrak urte bete
zuenean, haizkolariaren emazteak
aurkitu zuen basoan lanean zebilen bere
senarrarentzat janaria ekarri zuen
batean.
- Senarra, senarra, begira zer dagoen hemen!
–esan zuen –Norena ote da?
Zergaitik ote dago hemen? Ezin dugu hemen
utzi, ez dauka ezer soinean.
Ongi elikatua dagoen arren, zikin-zikin eta
ubelez zein ebaketa txikiz betea
dago.
Haurraren izaeraz kontu emango zuen
istorioren bat osatzen saiatu zen
emakumea eta azkenean, senarrak esan zion:
- Tira, zeuk haurra nahi zenuen eta nirea ez
bada ere, iraungo duela dirudi.
Hori bai, zeure ardura izango da bera
zaintzea.
Eta horrela izan zen. Haurra haizkolariaren
sendiko kide bihurtu zen. Berba
egiten astiro astiro ikasten ari zen arren,
txoriei, abereei eta arrainei ulertzen
ziela zirudien; ezin zuten ulertu bere
inguruan mozorroak biltzearen zergatia
ez eta inoiz koskarik ez egitea ere. Behin
batean, zazpiren bat urte zituenean,
lotan zeuden hartzama bat eta bere kumeak
topatu eta esnatu zituen eta
ondorioz hartzemeari harzkumeei eraso egingo
ziela etorri zitzaion burura eta
hartz oro bezala bere atzetik joan zen.
Mutikoa korrika zertxobait aldendu
bazen ere, oker jo zuen eta erori egin zen.
Hartzamari, eraso egitera
zihoanean erle bat sudurrera hurbildu
zitzaion eta kosk egin zion. Jarraian,
erle talde izugarria azaldu zen haserre
bizian firrinda eginez.
Mehatxu honen aurrean hartzama gelditu egin
zen, burua astinduz, marraska
egin zion bere buruari eta bera eta hegan
ari ziren erleen arteko hormatik
barrena haurrari so egin zion. Bi
hatzamarrak begietara eramanez, irrikan
orroe egin zuen mutikoari barkamena eskatzen
ari zitzaiola zirudiela eta bere
harzkumeengana alde egin zuen.
Hamabiren bat urte zituenean,
Basajaunarekin, hainbeste denbora igaroa
zuenez, gurasoek ea berarengandik lanbidea
ikas zezakeen galdetu zioten.
- Bai, -erantzun zuen ikazkinak -egur
puskekin egiten dituen irudi hoiek
niretzat oxkatzen dituen bitartean. Egiten
dituen lauetatik bat niretzat nahi
nuke.
Hirurak bat etorri ziren eta hala gertatu
zen. Basajaunari lagundu zion eta
bere aitak zuhaitza haizkoraz ebaki ondoren
utzitako egurra biltzen zuen;
gaindikin zeuden fruituak, ezkurrak,
intxaurrak eta baiak biltzen zituen eta
hauetatik landare berriak hazi zituen
ebakitakoak ordezkatze arren.
Eta gizon bilakatu zen. Lurra garbitzen,
borobila marratzen eta egurrikatzezko
metaren burua osatzen ikasi zuen eta baita
ura gordetzeko buztinezko zuloa
eraikitzen ere. Belarrezko zotalak nola
moztu ikasi zuen gero metaren
gainean ipini beharko zituenak gehiegi
goritu ez zedin. Meta zaintzen ikasi
zuen sugarrak gehiegi piztu ez zitezen eta
eginbeharra gauean ikazkina eta
biak elkar banatzen zuten. Eta baita abere
txikiak eta txoriñoak oxkatzen ere.
Metarekiko behar zuen ardura zabala eta bere
oxtaketetarako behar zuen
gogo-bilketa zehatza aldi berean erabiltzen
ikasi zuen. Eta baita irudiak nola
marraztu ere, oskolean eta harri gainean
ikatza erabiliz edota zenbait lur
zatiak erabiliz margoak lortzen zituen,
egurrikatza bahetu ondoren metan
geratzen zirenak gehien bat.
Udaberriko Akelarrean emakume bat topatu
zuen bere begietan gaueko
zerua ikusiz eta honek, era berean,
gizonaren begietan giza irudi galanta
ikusi zuen lurreko hutsuneetatik barrena eta
geroago ernatuko ziren eta
barreiatzen ari ziren hazien artetik zangoka
zihoalarik.
Elkarrekin bizitzen jarri ziren, txabola bat
eraikiz, etorkizuneko garai
hotzetarako fruituak, intxaurrak, haziak,
sustraiak eta abarrekoak biltzen
arituz. Baina zazpigarren ilargian emakumea
gaisorik jarri zen eta odola
isuritzen hasi zen. Sorginari deitu bazioten
ere ezin izan zuen ezer egin eta hil
egin zen.
Olentzero hasieran asaskatu ezinik zebilen
ikatz metan etzan eta zeru
izartsuari begira bere kuttunaren irudia
ikusi zuen arte, honela ziola:
- Izanen den orok itxurra dauka eta itxura
duen oro izanen da. Ikusten
banauzu, izanen naiz.
Une horretan metak barnean argi bizi baten
dizdira egin zuen bapatean
eta bihotza hainbeste estutzen zion harrizko
zamagandik askatu zen.
Eguneroko bizitzara gogo eraberritu batez
itzuli zen. Hegoak zituzten izakiak
igeri egiten ikusten hasi zen eta ureko
izakiak hegan egiten ere. Hoiei begira
zegoela ikazkinak ikusi zuen. Behin batean,
oskola zatia miatzen ari zela bere
nagusiak esan zion:
- Bihar sorginak ikusi behar dituzu .
Hura ez zela ohizkoa pentsatu zuen baina ez
zuen ihardoki. Sorginen
haitzulora eraman zutenean txoriak
irabiatzen ari ziren eta abereak
berriketan, algara bizian eta kurrinkan
zeuden. Sorgin trebariek berari
begiratu zioten eta nagusiari honela esan
zioten:
- Hemendik eraman ezazue, eta hiru egun
barru eguzkia bere gorenean
dagoenean, Auñamendiko haitzuloan dagoela
zihurtatu ezazue.
Egun hartan nagusia harreta haundiz txinpart
harria, haizto obsidiarrak,
egurrikatza eta loreak gazteak berekin
zituela zihurtatzen ari zen.
Olentzerok haitzuloaz entzuna zuen baina non
zegoen nagusienek bakarrik
zekitela bazekien. Hala ere, berak bazuen
zerbait bere baitan, isilean
gordetzen zuen zerbait. Inoiz inori ez
esandako hori.
Bestalde, jendeak bazekien mozorro, txori
zein arrainekin hitz egin zezakela.
Ez zekiten, ordea, Lamien laguna zela eta
berari hitz egiten ziotela eta oinez
zihoanean, zirarraz berari buruz hizketan
nola ari ziren entzun zezakeela.
Errekaren makurrera iritsi zirenean nagusia
gelditu egin zen, hosto handiak
bildu zituen eta hauekin begiak estali zizkion
eta ondoren begiak eta hostoak
buztinez estali zituen, gehiago ikus ez
zezan. Gero, nagusia aurretik gidari
zuela bidean gora eraman zuten haitzuloko
ahora iritsi arte. Ikusi ezin zuen
arren, lamiek bera ikus zezaketen eta
horregatik nagusiaren laguntzarik gabe
haitzulora iristeko gai izango zen.
Azkenean iritsi ziren. Katuka ibiltzeko esan
zioten, eta hala egin zuen. Katuka
zebilela besoekin harria ukitu zuen eta
burua altxa ezkero harria senti
zezakeen. Katuka zihoan zuloko sapaiarekin
ere topo egin zuen. Azkenean
bere inguruan guneren bat somatu zezakeen,
besoak lotuta zituen eta
ordurako begiko estalkia lehorra zegoen eta
hautsi egin zen. Hostoak kendu
zizkioten eta ikusi ezin bazuen ere, airea
usain zezakeen. Gero, oraindik tinko
zegoela, ahots zahar baten doinua eta suzko
borobil bat osatzen zuen
firrinda entzuten ziren. Benetan, borobila
suzkoa zen eta dizdiratsuagoa
egin zen eguzki txiki bat bilakatu arte.
Orduan gelditu egin zen eta kandela
bat piztuz non zegoen ikus zezakeen.
Haitzuloko orma baten aurrean zegoen
zutik. Bizitzatik marraztutako abereen
irudiez estalia zegoen.
Iaiotasun haundiko norbaitek eginak izan
ziren, irudi bakoitzak berak
harrapatu nahiean zebilela ikusi zuen hori
bera isladatzen bait zuen.
Abereen izatasuna hain zuzen. Haitzuloan
berekin batera inguruko
Basajaun eta Basandere nagusienak zeuden.
Ezin zituen ordea berari heltzen
ari zirenak ikusi, dardarka ari zelarik,
beldurtuta zein hunkituta bait zegoen.
Basajaun eta Basandereak kantuari utzi zioten
eta esan zioten:
- Zeure bizitza ondoren egiten duzunaren
menpe dago. Bertan marrazteko
leku bat prestatua daukagu zuretzat.
- Zer marraztu behar dut? –galdetu zuen.
- Nahi duzuna, –erantzun zioten –baina
oraintxe bertan egin behar duzu.
Leku honetarako egokia den zerbait izan
beharko du.
Haitzuloan putzu bat zegoen. Berak ikatza
eta lurrezko margoak berekin
zeramatzan. Beretzako prestatu zuten gunea
ikusi zuen eta so ari zitzaiola,
Lamiak bertan zeudela ikus zezakeen, lurreko
izaki bizidun ororen izatasunari
deitzen ari zirela zirudielarik. Eta
ondoren, haitzuloko ormak dardarka hasi
ziren, aldatuz eta luze luze zutik zegoen
hartz izugarri bat zela iruditu
zitzaion. Iparraldeko Zeruko Hartz Handia.
Halako asmapenaren aurrean, hunkiturik irudia
marrazten hasi zen, eta
irudikatuz eta margotuz ari zela,
leizezuloko ormara hartzaren indarra,
ahalmena eta ia gizatasuna bizitzara ekarri
zuela zirudien.
Jadanik bukatua zegoen. Ezer gehiago
eranzteak pikutara bidaliko zuen.
Ahula sentitzen zen eta nekatuta zegoen,
gosez zein egarriz, eta bere begien
aurrean, lurrean, bi opil, eztiz bete ontzi
bat eta hiru ur bete pitxar zeuden.
Basajauna eta Basanderea kantuan jarri ziren
eta beraien ahotsak haitzuloko
beirazko zintzilikarien barrena oihartzun
egin zuten. Itzela izan zen.
Udazkenean lanbrotutako gauaren ondorengo
egun izoztua bezalakoa zen
eta lamiak bera goresten ari ziren.
Nagusienek zaindariei deitu zieten
esanez:
- Bidal ezazue Olentzero kanpora, eguneroko
bizitzara.
Zuloko ahora eraman zuten eta katuka
kanporatzeko esan zioten.
Zerbaitegatik, kanporako bidea barrurakoa
baino zailagoa suertatu zen.
Azkenean, bere aurrean argia ikusi zuen eta
sartzen ari zen eguzkiaren
argirantz katuka hurbildu zen, mendien
gainetik urre koloreko argi arroxa
batez dizdira egiten zuelarik.
-- Tira, eta hau eta gero hurrengoa zer?
-pentsatu zuen.
Haranetik behera ibili zen eta horretan
zegoela bere hildako maiteaz oroitu
zen, bere Neskatozeruz eta bien gogokoen
leku batetaz. Etxera joan zen eta
hartz larruzko estalkia hartuz mendian gora
joan zen. Ilargia zegoeneko goian
eta betea zegoen eta lurra argitua zegoenez
bere bidea erraz ikus zezakeen.
Mendian gora mantso mantso zihoan haritza
topatu zuen arte. Ilargiko argiak
adarren barrena dizdira egin zuten bizirik
zirudiela. Hartz larruzko estalkia
lurrean zabalduz, gainean etzan zen eta adar
soilen artetik gaueko zerura
begira jarri zen izarrak eta haritzaren adar
ertzak elkartzen ari zirela iruditu
zitzaion arte, eta adarrek guztiak elkartzen
zituztela, haritzaren irudia eta
ortziaren irudia bat zetozelarik. Eta
ondoren, putzu bare bati so ari zitzaiola, ur
azala lardasten hasi zen eta haritza eta
zerua ikatz meta bat bilakatu ziren eta
adarrak era berean euskaldunak bilakatu
ziren. Elkarri zurru murruka zeuden
eta ikatz meta osoa bizirik zegoen ke
hodeiak sortuz eta kea metaren artetik
gehiagotzen ari zela haiek bizitzaren
errekako burbuilen antzekoak iruditu
zitzaizkion, eta oso esanahi gutxi zuen hain
zuzen.
Hala ere, beraiek egindakoak bazuten
esanahia eta gaia. Sua eta kearen
ondoren geratutako ikatza bezalakoa zen.
Gizakiek egindako gehienak oso
garrantzi gutxi izango balu bezala zen eta
hain zuzen, beraiek atzean utzi
zutena zela beraien benetako izaera. Ikatz
meta estaltzeko erabiltzen ziren
lurraz oroitu zen eta berak geroago
erabiltzeko noizean behin uzten zituzten
lur margodun berezietaz ere. Eta bitxiak
egiteko burdin langileek erabiliko
zituzten isurkai gogorretaz, eta labainak
eta gezi buruak egiteko erabiliko zen
beira obsidiar beltzaz ere. Jarraian,
begirada berriz aldatu zitzaion eta argi
izpietan bidaiatzen ari ziren ikatz metaz
inguraturiko zerua ikusi zuen izarren
artean, ortzia mariorratzez bete beteta
zegoelarik. Guzti honen aurrean
dardar egin zuen eta ondoren lurrera itzuli
zen, danba eginez izan bazen ere.
Bere bizitzari begira jarri arazi zion
ordea: Berak oxkatutako egurrezko
irudiak; Neskatozeru, bere galdutako kutuna;
jaio ez zen beraien haurra; hala
nola bere aita ezezaguna bera eta bere
jaiotzaren ezkutapena ere.
Lamiek guztiari buruz zerbait esana zioten
baina gertaeren hariaren oroimena
ez zen beraiengan oso ona eta kondaira
liluragarriez beterik zeuden. Are
gehiago, bi gertaera nola lotzen ziren
galdetu ezkero, sorginkeria zen beti
beraien erantzuna.
Bizitzak erakutsi zion zenbait haurrek oso
gogokoak zituztela berak
oxkatutako irudiak. Bere begiekin ikusi zuen
Jaunaren Izenaren doinuak
nagusia eta biak ikatz meta eraikitzen ari
ziren bitartean beraien buruak esku
artean zuten lanean edukitzeko balio zuela.
Baita metaren oinarria osatuko
zuten zarama eta lurra garrantzizkoak zirela
ere. Eta biek batera denbora
guztian sugarrak gehiegi bizitu ez zitezen
arreta osoa metan ipintzeko
beharra bilakaeraren atal beharrezkoa zela;
sugarrak gehiegi piztu ez zitezen
urezko azalak beharrezkoak zirela eta meta
bakoitzak bere denbora behar
zuela, arindu ezin zitekeena hain zuzen.
Amaitua zegoenean ere, ikatza bahetzea eta
banatzea beharrezkoa zen
ondoren ontzilariei zein metal galdatzaileei
emate arren eta sendiei ere gero
janaria egiteko erabili zezaten. Eta baita
haurrei ere marraztu eta margotu
zezaten; beira lantzen zutenei ere. Beraz,
hain apala zen gai hura, ikatza,
onuragarria zen guztientzat. Eta gero
bururatu zitzaion urte berrian, beheko
su berria pizten zen garaian, haranean etxez
etxe joan zitekeela, berak
oxkatutako irudiak eta ikatza oparituz eta
hauekin batera ogia eta gatza,
dohainik elkarri gauzak emateko ohiturak
elkarren artean bizirik iraun zezan.
Eta horrela izan zen eta gaurkoen artean ere
izanen da eta horrela behar du
izan.
Goizean nagusia berari begira zegoelarik
esnatu zen.
- Zer, atzo oso lanpetuta egon zinen , ezta?
–esan zion –Eta orain zure kasa
egon nahiko duzu!
- Ez, -erantzun zion -urte askotan zurekin
egongo naiz hil arte.
Nagusia hurbildu zitzaion eta eskua luzatu
zion, esanez:
- kaixo, laguna, egiteko makina bat dago eta
gainera, premiazkoa da
eginbeharra baina denbora franko daukagu eta
bidaian zehar kide piloa ere
bai.
© Haizea 2000
Sareosok zerbitzaile honen bidez
edonori informazioa eskeintzen eta berau erabiltzeko
gonbitea luzatzen dion bitartean, ipuin honen
itzulpenaren argitaralpen eskubideak
Haizeak ditu. Ondorioz, ezingo da:
§
Testua edonori eman Haizearen
baimenik gabe
§
Informazio hau zure
zerbitzailean “isladatu” gure baimenik gabe
§
Sistema honetan testua
aldatu zein berrerabili
Ahal izango da:
§
Zure erabilerako soilik
informazioaren kopiak imprimatu
§
Zure ordenagailuan
fitxategiak gorde zeuk bakarrik erabiltzeko
§
Zeure dokumentuetatik
zerbitzaile honi erreferentzia egin. Hori egin ezkero,
mesedez, atal osoa lotu ezazu, horrela atariaren ikuspegi
zabalagoa ikusteko
aukera ematen bait zaio jendeari.
Bestelako eskubideak Haizeak izango
lituzke.